كتب الشاعر المبدع عبد الله عباس نصا بعنوان...... انا المصري بصحيح.....
"انا المصرى بصحيح "
انا المصرى قوى ومليح
وكمان صعيدى
مش بايدى ان دمى حامى
ولما اغضب مش بشوف اللى قدامى
كداب اللى جال الصعيدى جفل
معرفش ان جواه طفل
والغدر عنده صفر
راجل وشهم وكمان حنين
بس مينفعش ابان فى عنيكى جليل
لان مجامى عالى
والخسه والنداله عمرهم ماجم على بالى
فى كل مجال ليا صولان وجداره
مانا برضوا ابن حضاره
جذورى قديمه من الاف السنين
اسالى عنى طين الارض والحجاره
منجوش تاريخي
على جدران المعابد والسوارى
حكام وعلمه وادباء وشعراء
واسياد وجوارى
وفى عروق دمى بتجرى مية النيل
وفى كل الزمان ليا قيمه ومكان
ومهما مرت الايام
محفوف بحفظ الرحمن
لان وطنى مصر بلد الامن الامان
المصرى الشاعر
" عبدالله عباس "
تعليقات
إرسال تعليق