الرحيل… .بقلمي✍️✍️ نور محمدالوائلي

مرات أحسك بلحلم

واگف يخويه گبالي

وعينك دمع من تبتسم

تسألني عن أحوالي

واشكيلك بگلبي الهظم

وشلون فگدك غالي

أشكيلك مصاب الولد

من أندعم شل أحوالي

ماظل بعد ذرة عقل

لو ميته هم أشوالي

عاد المضه بمصرعك

تبجي الناس لحالي

ظليت بس ليلي أون

وأتخيلك گبالي

من شفت ابنك بالنعش

حسيتك شكد غالي

ريحتك يابعد الگلب

راحت ومات الوالي

حسبالي أفرح بالعرس

بالكبر صار التالي

حسيت بگلبي أنصدم

لحظة وتمر شحالي

أثنينكم وسط الگبر

مثل الگمر ويلالي

ماشفتو راحه من العمر

من أوله لتالي

بقلمي

نور محمدالوائلي