كتب الشاعر المبدع. د. عمر عبد الجواد عبد العزيز. نصا بعنوان..... يا قمر .....
......(( يا قمر ))......
مهما يداروك يا قمر
ضيك في الحي انتشر
و مهما يبعدوك عني
انت في العين و النني
و هواك... لقلبي قدر
مهما يداروك يا قمر
إنت حبيب روحي
و دوايا و بلسم جروحي
ياريت يا عيوني تبوحي
مين النور و البصر ؟؟
مهما يداروك يا قمر
عيونك ليا وطن
و حضنك أمان و سكن
بكفاية ألم و شجن
في قربك.. يحلالي السهر
مهما يداروك يا قمر
و قلوبهم عليا حجر
و انت أعز حبيب
مهما تغيب عن عيني
عن قلبي أبدأ ما تغيب
لو الأيام تجافيني
إنت لقلبي قريب
طول ما انت ناسيني
أنا في بلدي غريب
علي بُعدك
منين يجيي الصبر
مهما يداروك يا قمر
★★★★★★★★★★
د/عمر عبد الجواد عبد العزيز
تعليقات
إرسال تعليق