كتب الشاعر المبدع. د. أحمد سالم بازار. قصيده بعنوان ....... جلسة على الشاطيء.......
-(جلسة على الشاطئ )-
جلسة على الشاطئ تسر القلب سر
و أنت معي نفرح و خذ عندي خبر
وانت الجميل الزين
بالقلب وسط العين
أحسن لقاء و اياك في وقت الاصيل
يكفي المحب إنك على العهد الدويل
انت حبيبي و أحلامي و حلو البشر
بعادك صعب ما نام الليالي في سهر
و الان بين البين
جلسه هنا الإثنين
نطفي لهيب الشوق لو تسمح قليل
يكفي المحب إنك على العهد الدويل
و من بعد طول البين راح الحزن مر
على فراقك تحملت المشقه خطر
يكفي بكاء الحين
ننسى دموع البين
وجلستنا معاكم نحب القال و القيل
يكفي المحب إنك على العهد الدويل
لا تطول غيابك أعمل لنا شي بصر
و موعدك في الاسبوع لا تأخذ شهر
و تعال لا لا تخين
ابصم وعطنا يمين
شحير موعدنا ولا تخلف تروح الغيل
يكفي المحب إنك على العهد الدويل
د/احمد بازار
تعليقات
إرسال تعليق