كتبت الشاعرة المبدعة د. نجوى محمد زين الدين نص بعنوان...... صرخة .......
صرخه
محبوسه جوا قلبي
كل يوم بتعذبنى اكتر
كل لحظه وجعها بيكبر
لازم خلاص تخرج
وتكسر جدار الصمت وتظهر
هتطلع بألم الجراح ووجع السنين
وهقول كفايه صبر كفايه تعب كفايه مر
صرخه
كتماها غصب عني
متحملاها وساكته
واقول لنفسي معلشي
كل حاجه بتتغير
واكيد بكره افضل وهيعوضني
بس بكره بيجي اسوأ
واللى فاضل بينكسر
والجرح بيزيد اكتر
والدموع بتكتر
صرخه
كل حاجه بينا بتبعد
والمسافه بينا بتكبر
والحب فى القلب بيحتضر
وكل حاجه حلوه بتهرب
حتى البسمه بتموت
والنهايه بتقرب
صرخه
لازم هاتطلع
معتش قادره اتحملها
والقلب بجد تعب
حتى الامل اختفى
ومعدشى فيه احترام للعشره
كل حاجه انكسرت واتحطمت
وصعب ترجع زى ماكانت
صرخه
خلاص الزهره ماتت
من كتر الوجع
والمشاعر ادمرت
من الاهانه والاهمال
والعمر قرب ينتهى
د.نجوى محمد زين الدين
تعليقات
إرسال تعليق