كتب الشاعر المبدع احمد الشريف حسين قصيده بعنوان انتظار
( انتظار )
قال الشاعر :
................
الوحده كانت ليها ضره
شايله حكويها في صره
بغيره عملت ليها غنوه
تتسلا وتعيش الحياه
افكارها واخده وعاطيه
وهواجس عليها عايمه
قالت يمكن مشغول بغيرى
والا يمكن يكون نسينى
وأتوه من غير دليلى
ما بيسألش ليه يوماتى
دا هو روحي وحياتى
يعنى لازم فى كل مره
الف مع عقرب ساعاتى
وأتلهف وأفضل أهاتى
وأصبر نفسى ليالتى
طيب يطمن قلبه عليا
وينزاح القلق إللي بيا
وشوقى يحلو ليه
وبسؤاله أصبح عفيا
يا تري إيه اللى جرى
مواضيعنا كانت سوي
ما أتخرت عنه لحظه
فى كل مكان اروحه
طيفه ونيس طريقى
خدها السكون بنومه
إلا وصوت نبه سكاتها
هزهز ثبات مكانها
زاحت الغطا من عليها
واخد معاه دفاها
لعبت برموش عينيها
والننى نبه حاجبها
طارت على الباب وفتحا
شافت حبيب حياتها
رمت عيونه بنظره
اتحشر الكلام في ظوره
ما قدر ينطق لسانه
دموعها فاضت تعينه
فضفض بشوقه ليها
تتعاجب بضحكه بهيه
وسلامات من إللي هيه
وفى واجبه بنشوه ذكيه
وشياكه وهمس وحفاوه
وترحيبها مفهوش غرابه
ساد اللقاء لذه وطعامه
...........................
احمد الشريف حسين
تعليقات
إرسال تعليق