كتب الشاعر المبدع عاطف كباره قصيده بعنوان سجين بيحب
سجين بيحب
عاطف كبارة
سجين بيحب
سجانه
بيعشق صوت
خطاويه
حيطان سجنه
وقضبانه
جناين ورد
جوا عنيه
بيرسم حلمه ع الجدران
ويستنى
يعيش بقيوده علي إيده
مع السجان
ويتمنى
أن يدمي القيد معصمه
فيحنو عليه مؤتلما
ويدنو اليه يسأله
يرد عليه مبتسما
بربك دعك من الأحزان
بكيتي على الحكاية
زمان
وقلتي علي السجين غلبان
وسيبتي قلبي ومشيتي
طريق آخره مالوش عنوان
لا أنا المسجون
ولا السجان
لكن أيامي اللي محبوسة
ورا القضبان
وأحلامي اللي مرسومة
علي الجدران
بألوانها اللي صابها اليأس والبهتان
اتمسحت ف حدوتة
وكان ياما كان
صعبوا عليكي
وكان مين أولى بالصعبان
سجين بيحب سجانه
أو السجان
وأنا التالت وتاه إسمه
مع النسيان
أنا لا ابتغي شفقة
فعزة قلبي كالأحجار
فقلبك أمسي لي ورقة
خريف أسقطها من الأشجار
فاسقطتك..من الحسبان
ويوما ما سيتحرر
من الأسوار
سجين الحب
من السجان ..
عاطف كبارة
تعليقات
إرسال تعليق