كتب الشاعر المبدع. يوشع على اسماعيل. قصيدة بعنوان...... فقير وغني.....
زجل قصيد باللهجه العاميه اللبنانيه
................
فقير وغني
..............
على الفقر ربي رماني
حتى بجمر جوعوا كواني
الجوع كسر جانح معلي
وعَصر جرحي دمع عبى القناني
الله امتحني بأكبر عِلّْي
على دربي سبقني أمتحاني
ما كان يتركني مره خلي
حتى يبس ورود الأماني
قصدت الغني ومعوا شلي
متلوا على المال نهماني
دقيت بابوا فتحلي وقلي
جوعان متشرد عابواب المباني
كأنوا شك بِقلبي مسلي
ودموعي جمر عالخد جرياني
وأنا الحرب هَمي تَقلي
ونشَف دمي بقلب شرياني
حن قلبوا وعبالي سلي
من فضلت بيتوا السلي ملاني
عطن خبزوا السلي مملي
وقلي أطعم ولاد الجوعاني
حملت السلي وفيها الغلي
عابيت الورد عقلي هداني
غسّْلتها عطرتها صارت تحلي
زينتها بسحر زهر رباني
رجعت عالقصر بِقلب مجلي
دقيت فتحلي الشخص الهجاني
قلي ليش زهر محملي
بالسلي أنا عطيتك فضلت سناني
قلتلوا أنت عايش عالمزلي
وأنا عايش عالعز والشهامي
وعا حُب العطىٰ بيِّ رباني
........... ............
بقلم الأديب والشاعر يوشع علي إسماعيل
تعليقات
إرسال تعليق