كتبت الشاعرة المبدعة. هند الشيخ. نصا بعنوان.......قلب كذاب......

افتكرتك عوض ربى

وقلت الدنيا ضحكتلى

بعد اللى شفته من أوجاع

وحسيت انى اتولدت جديد

طفل جديد بعمر جديد وقلب جديد

ما يعرفش الم وخداع

واتارى الدنيا كدابه

بمليون وش قلابه

واحنا غلابه

ملناش فى الفرح نصيب

حسيتك قريب

وقولتلى امشى ورا احساسك

وادينى مشيت

شفتك عزوه واهل وبيت

وبقيت عندى اغلى حبيب

ولقيت فى عنيك سكنى وبيتى

بقيت شجرة حب فى سمايا

تضلل زرعتى وغيطى

وشفتك فى الخطى سيرى

وحلمت فى يوم تكون طيرى

وعشت احلم بلقيانا

واتارى قلبك بعيد عنى

وعاشق فى الهوى غيرى

بقلمى / هند الشيخ

-----------------------

القصيده بدون عنوان ياريت تختارو لها عنوان ،، اسم القصيده مفوض ليكم ،، تحياتى للجميع