كتب الشاعر المبدع. د. جمال حلمي ابراهيم. قصيدة بعنوان.... . ياللي قلت بحبك مالك ....
ياللي قلت بحبك مالك
بقلمي/ جمال حلمي ابراهيم عامر
................................................
ياللي قلت بحبك مالك
لا بتسأل يعني ولا ع البال
لا عنت بشوفك ولا بسمع صوتك
فين اراضيك وإزاي الحال
خلاص سبتني بكل سهولة
من غير ماتقولي حتى سلام
طب ليه خلتني أصدق نفسي
وأسهر عليك الليل ما بنام
وليه قولت بحبك حب
يفوق الوصف باحلى كلام
ليه خلتني أعيش اللحظة
والغي دماغي وعيش سكران
مش كنت تقولي انك بتلاغي
وبتضيع وقتي والأيام
آه من ناس الدنيا يازمني
الكل فيها لسانه هوال
لا عنت هصدق حد ف زمني
ولا عنت أبني أي أمال
الكل ف زمني بتاع مصلحته
نهايتة معروفة كلام ف كلام
شكل الدنيا كتير أتغير
بقت الدنيا أشكال والوان
حتى الحب أتغير لونه
بقا شاذ عن الالوان
فيه أيه مش عارف
كل ضحكه وراها ألغام
ياللي قلت بحبك أسمع
نصيحة مني خليك إنسان
عمر ماكان المكر طريق
لتوصل منه وتبقا تمام
ولا كل حبيب عليه يتنازل
لتبقا زريبه للحيوان
الحب زمان كان أسمه العذري
لا عمره كان لندل جبان
ولاعمره اتخطى الخط الأحمر
ولا سمعنا عنه رخيص وشمال
..........................................
تعليقات
إرسال تعليق