كتب الشاعر المبدع. سامح توكل ابو السبح. قصيدة بعنوان......هزي الوجد ........
هزى الوجد
======
هزى الوجد ووفى الوعد
والله تعبت كتير م البعد
قلبك بايع قلبى انا شارى
زارع حضنى جناين ورد
وفى محرابك عشت انا ناسك
ناسك أهلك صاين ود
مهما تزيدى القسوه مسامح
وانت تعيدى الجفوه بصد
قلبى مسالم قلبك غايم
مهما بيسأل رافضه الرد
خايف مره تجاوبى بقسوه
يطلع ساكن قلبك حد
يومها اللوم راح يتحدانى
يبنى مابينى وبينك سد
واسهر ليلى ف صدك سارح
ناسى امبارح ويا الغد
ويتوه ظنى وتشرد منى
راحة البال مع دمع الخد
ياللا تعالى نعيش فى العالى
يام العود ملفوف والقد
مهما تصدى هارخى انا ودى
مد الشوف لو زاد الشد
بس افتكرى أن انا عمرى
مارخى حبال الود بعند
=========
بقلمى سامح توكل ابوالسبح
تعليقات
إرسال تعليق