كتبت الشاعرة المبدعة. هند الشيخ. نصا بعنوان......سلام ......
*** سلام ***
خليك مسجون في أحزانك
وف ايامك ،،،، وأوهامك
وعيش وفى لحبيب خانك
وقضى نهارك مهموم
وأسهر ليلك عد نجوم
وبات ابكى على اطلالك
مادام راضى كده بحالك
وعذاب روحك بيحلالك
وسبت الماضي يقضى عليك
ويقيدك باغلاله
ويتحكم ويحكم فيك
ومعتش شايف مين باعك
ومين عايش عشان يرضيك
سلام ياعمنا الضايع
مادام الحب مش نافع
وقلبك القاسى عايش ميت
لا هو حاسس ولا سامع
وعايش انت فى التوهان
يوم شارى ويوم بايع
سلام ياعمنا الضايع
سلام يلا والف سلام
راح أمشى واودع الايام
ومش هترجى فيك تانى
ولا همشى ورا الاوهام
سلام يلا والف سلام
كلمات / هند الشيخ ،،، @إشارة
تعليقات
إرسال تعليق