كتبت الشاعرة المبدعة. د. هند الشيخ. نصا بعنوان...... رسالة إلى معاليه.......
،،،،،، ( رساله الى معاليه ) ،،،،،
دكتور وزارع
فى القلب مواجع
والماضى اللى مليته خيانه
والقلب اللى خذلته يااااامه
معرفش يرد ولا يدافع
ومعرفتش افتحلك قلبى
مصدقتش تانى انك راجع
ولا خلش عليا الكدب يابيه
يوم ترجع تسعدنى بقربك
يوم تانى يبكينى بعادك
بالذمه دا ايه
بتتلون ليه ؟!!!!
صورتك في عنيه بقت بايخه
والحاجه الحلوه اللى ما بينا
كبرت ف المهد وصبحت شايخه
روح يلا لحالك وانسانى
لا بينا سلام ، ولا بينا كلام
ولا بينا اهلا ولا سهلا
أنا هنسى انى قابلتك اصلا
واتجاهل طيفك لو جانى
روح يلا لحالك وانسانى
ومتتعشمش انى اسامحك
أو ارجع افكر فيك تانى
روح يلا لحالك وانسانى
روح يلا لحالك وانسانى
كلمات / هند الشيخ
الثالثه صباح الجمعه ٢٩ - ١١ - ٢٠٢٤ ،، @إشارة
تعليقات
إرسال تعليق