كتب الشاعر المبدع. د. حسن الشوان نصا بعنوان....... خد الحجر.......
............ خد الحجر ...........
شنقووا العصفور على الشجر
ما كفهمش القلب إللى ٱتخمد
والحزن إللى يملا قلوب البشر
والأرقام ذهقت من كتر العدد
والدمع اللى جرح خد الحجر
والعيون خلاص صابها الرمد
مبقتش تلمح راح منها البصر
والدموع للى ركع وإللى سجد
إيه خلاص زمن الرحمه إندثر
والدم بقى رخيص وبلا تمن
والمشاعر مابقتش تحرك البشر
خلاص قربنا على نهاية الزمن
وكل واحد يدور له على كفن
والسواد يملا كل أركان الوطن
والعصافير تكره الإنسان إللى فجر
والأغصان تتحسر ع إللى إندفن
والفجر يطلع قبل الليل ما يفتكر
والشمس تطلع عشان ينام القمر
وتعمى الارض من قسوة الشجن
...........................................
.........د. حسن الشوان 🇪🇬 .......
تعليقات
إرسال تعليق