كتب الشاعر المبدع. د. محمد محمود عبد الدايم. نصا بعنوان....... السيف والقلم......
السيف والقلم
لما يبقي الحرف حرفي
والحروف خايفه لانى حرفي
شغلي كله هو الكلام
ولما تبقى الكلمه مني
ومفيش غيرها شاغلني
غير القوافى والميزان
عمري ما غير كلامي
ولا اهرب من حروفي
طول ما حلمى هو السلام
لما تبقي بلدى تنادي
فين ولادى تصد السهام
يبقي حرفى نصل سيف
يبقى كلامى كله مخيف
تلقى صدرى درع بلدي
تلقي روحى تقول فداك
مستحيل اسيب عداك
مستحيل اكون ضعيف
بعد حرفى وسن قلمي
يبقى حرفي سن سيف
لو هموت شهيد عشانك
بعد موتى بلدى تعيش
دمى يطرح فوق ترابك
فى كل خطوة ألف جيش
جيش بلادى مش اى جيش
جيش فنان وحرفى
النصر عندة اصله كيف
لما يبقى النصر صانعه
صوت جنودى زلزال وصاعقه
للبطوله هى صانعه
افتحوا كتب التاريخ
بقلمي
محمد محمود عبد الدايم
تعليقات
إرسال تعليق