كتب الشاعر المبدع محمد فوزي العليمي. نص بعنوان...... الاحتياج......
الاحتياج
فى حد ذاته اشتياق
لروح تشبهك .
تسكنك برضاك
وتسكنها بالقبول
تركن إليها ولا تفرط فيها
ولا تهملك بلحظه
ولا تهملها لأى سبب
هى هروب اضطرارى
من صخب المعاناه
وهيا أيضا لجوء محبب
وبمنتهى القبول والرضا
وهيا ضرورة حياه
وأمل بالنجاه
وتعلق بالوجود.
ولا مكان لتبادل منافع
أو اختلاف فى الرأى
أو تصالح فى محتوى
.الاحتياج هو
أن روحك تتحرر
من قيودك
من خضوعك
من سكوتك.
هروب محبب انك تسمع
صوتك
يلف جوا روح تشبهك
ويرجع محمل بالارتياح
حد يفهمك
يحس بيك بالنظر
.يشاركك كل حالاتك
يتفاعل بروحه معاك
.يكون هدف وصول مشترك.
روحين بيحضنوا بعض
فى حنان.
ايمان أو يقين جازم
أن الحياه قاسم مشترك
و تكون بينهم متجمعين.
اذا كان فى قرار بالفراق
والابتعاد
يبقى فى روح منهم
هربت من السباق.
فى الاحتياج ال روحين
يكونوا صوره واحده
مطابقه فى الاحساس
ومختلفة فى الشكل بس
أو حتى فى نوع
أو حتى عمر بالسنين
اصعب شعور فى
الاحتياج..
إن الشريك يفضل
الانسحاب
يكون خروج الروح
أشد وجع
من كل الآلام المعروفه
عند البشر.
اصحاب الأرواح حياتهم
أشد حساسيه
و اوجاعهم شديده
لكن لا اختيار
اما تكون بشر زى باقى الناس
أو تعيش بروح ترتاح ساعات
وتتعذب بساعات اكتر
لما شريكها يفارقها
أو لما تمر الايام ويا السنين
فى البحث بلا ملل
عن الشريك المناسب
لأن ارتباط الأرواح
ليس بالسهل اليسير
وقيوده صعب تحقيقها
بسهوله أو بالكلام
محمد فوزى العليمى
تعليقات
إرسال تعليق