كتب الشاعر المبدع عبد الله بن عباس نص بعنوان...... لو سالوكي يوم عني......
لو سالوكى يوم عنى
قولى هو ضلى ونور عنيا
شوفوا من يوم ماعرفته ايه اللى زاد عليا
حتى فى لون شفيفى
وورد حمرة خدودى
وكحلة عنيا
وقوامى اللى اتلف
وشعرى على خدودى هف
واتخرط خصرى وتلف
حتى رمان صدرى استوى من الحنيه
ولوعة شوقى زادت فيا
ولونى اصبح ابيض لولى
وبان العشق فى عيونى
يعنى اتغير كل اللى فيا
من شعر راسى حتى أظافر رجليا
اما انا
عايزك احلى واجمل صبيه
والكل يغير منك عليا
وانا اللى خليت خلودك فى ابيات شعرى
وخليت حبك يجرى فى دمى
وسمحت لغيرى يعجب بيكى
ويتجرا بانه يتكلم معاكى وعليكى
أبليهم بابتسامه
ولا يشغلنى انهم يحبوكى ولا تحبيهم
بس لو حد فيهم سالك مين حبيبك
ردى عليهم قولى المصرى
وعشقى ليه شئ حصرى
وغيرتى عليه سبقت عصرى
حتى من شدة خنقته من غيرتى
راح سمانى النكديه
ياستى ....
مش معنى كده انى مش بغير عليكى
مغرش ازاى وانا كل الدنيا بشفها بعنيكى
بحبك وروحى فيكى
المصرى الشاعر
" عبدالله عباس "
تعليقات
إرسال تعليق