كتب الشاعر الاديب د. السيد علي القن قصيده بعنوان......مديون لعيونك.....
.............((( مديون لعيونك ))) ...........
مديون لعيونك صدقني
من اول ما شافتهم عيني
خطفوني ف لحظه وأثروني
أخدوني من قلبي و روحي
وانا قلبي مدين لك صدقني
و عيوني كمان وحياة قلبي
محقوق لك والحق عليا
و بقدم لك قلبي هديه
و بقدم لك روحي وعمري
تسمح تقبلها يا نور عيني
وحياتك عندي ما تكسفني
و تسيبني أشوفك ف أحلامي
صدقني من غير ما تلومني
وطاوعني و انا حقك عندي
حبيتك أيوه و حياتك
ولا يمكن أنكر أو أخبي
حبيتك كان غصب عني
و الشوق أه خدني و وداني
طمني بقي و ريح قلبي
و بلاش بعنادك توجعني
و الله مدين لك بحياتي
و نبضي حتي ف شرياني
ها ينطق ويقول الحقني
وبلاش عليه تبقي الجاني
من حبي فيك أنت وقلبك
خلاني أشتاق لك يا أناني
آه منك آه يا حبيبي
ليه عايز قلبي كده يعاني
تهجرني وتسيبني لوحدي
و الفكر يلعب ب كياني
و الغيره بقت تلعب بيا
ل شيطان الفكر اللي عماني
معقولة تكون آسي عليا
و تفوتني ف ناري و حرماني
طب كنت سامحني المره دي
من غير ما تجدد أحزاني
و حياتك خليني بقربك
من غير ما أتألم أو أعاني
وأن كنت عايز تملكني
طمني ب حضنك دفيني
خليني أعيش دايما جنبك
وأنا ب حلم تسكن شرايني
كلمات الاديب الشاعر.د ./ السيد علي القن
تعليقات
إرسال تعليق