كتب الشاعر الاديب د. السيد علي القن نص بعنوان..... صفحة جديدة .......
.........((( صفحه جديده )))..............
عشت سنين وسنين علشانك
كنت تنام و أسهر ف مكانك
كنت شايلني كمان علي راسك
وأنت مالك قلبي بإحساسك
عشت سنين و سنين وياك
و أتحملت كتير في هواك
كنت بدوس علي قلبي عشانك
كنت ب أحط نفسي مكانك
عمري يوم ما خالفت أوامرك
و لا فضلت نفسي عليك
لأ ب العكس
كنت بقول أن أنت و بس
ليك الأمر و ليك النهي
كنت ب تملك حتي أنفاسي
و ب تتحكم كده في حواسي
و ليه دلوقت ب تطلع آسي
و ب تتمرد علي إحساسي
بعد ماجيت علي نفسي و روحي
و جنيت ياما كتير علي قلبي
خنت عهودك ليه و كلامك
و بقيت تنكر كل وعودك
اتمنيتك تسمع قلبي
و اتمنيتك تفهم مني
كنت ها تعرف ليه حبيتك
وليه ضحيت ب حياتي عشانك
كنت ها تفهم معني الحب
و ليه علشانك أنا أتغيرت
و ياما في حبك أن أتحملت
كنت ها تشكر قلبي و تفهم
كل دقيقه فيها أتألمت
و ليه علشانك حتي صبرت
دا أنا علشانك ياما داريت
و أتوجعت كتيير و بكيت
و ياما خبيت عنك أحزاني
كنت ب حاول أكون شئ تاني
و أنت ف حبك كنت أناني
كنت ب تاخد ما ب تديش
كنت ب ترفض أني أعيش
وأني أتحمل و لا أحكيش
و أن فكرت ف لحظه أشكيلك
قلبي يخوني و ما يقولكش
و أني عشانك لازم أكمل
و أصبر مهما أسيت و أتحمل
آي جروح في الدنيا معاك
وكل أوجاعها كمان في هواك
وياما علي روحي كمان فضلتك
وياما علي قلبي كمان توجتك
كنت معاك ب أحرم أنا نفسي
و أخاف لو أقولك لحظه مشاكلي
كنت بخاف لو تبعد عني
أو تنساني و تهرب مني
كنت ب ألوم أهلي و ناسي
لو عاتبوني عشان حبيتك
أو نصحوني أني أبعد عنك
كنت ب أشوف اللوم ف عنيهم
و أن رديت مره يقاطعوني
و يعايروني عشان ريحتك
و يعايروني أكتر لصراحتك
و أتحملت كمان أنزحتك
وأنت ب تملي عليا شروطك
وأنا ب أتنارل ليك و ب سلم
من غير حتي كمان ما أتكلم
لا ، و بكمل و انا ب أتحمل
وأنا جوايا كمان بركان
نار و طوفان و كمان غليان
و أ نت مكمل كده ف طريقك
و ب تدبحني يوماتي ب أيدك
و أنا من خوفي أن أنت تسيبني
كنت بواصل عكس أرادتي
و أرجع تاني و أقول ده نصيبي
وأن ده شئ خارج عن أيدي
وأن ب يسري في كل وريدي
و مهما حاولت أني أنسي وأسيبك
روحي و قلبي يقولوا حبيبك
سامحه عشان خاطري المره دي
و أفتح صفحه جديده يا سيدي
كلمات الاديب الشاعر.د /السيد علي القن
تعليقات
إرسال تعليق