كتب الشاعر عبد الحميد سليم. قصيده بعنوان... على ظهري شايل كفن......
على ضهري شايل كفن
والموج بيرميني
على حدود الحياه
ولا حد يحميني
لا النجم عايز يغني
يعزف يواسيني
ولا زهرك إللي زرعته
بالحب يرويني
ولا صبح صبحك فتني
ولا شمسه تحكيني
وآخرها كان يوم وراح
يارب تهديني
ولا واد حميته بحضني
ينزل يعديني
وآخرها حضن التراب
ينده يلاقيني
يارب عبدك ذليل
بالحب قاضيني
يارب عبدك ضعيف
بالعفو ناديني
تعليقات
إرسال تعليق