كتب الشاعر المبدع شعبان الخضراوي قصيده بعنوان ((لا عادت فرحه))

 لا  عادت فرحه

************************ 

لا   عادت  فوانيس  ولا  فرحه

حتي    العيال    شالت    الهم

من   سؤ  العيشه جالها   الغم

وباتت  تحلم  بجناح     فرخه

أو  نص كيلوا  كنافه  وقطايف

ونفسها     بتشتهي    الياميش

بس   العيشه  كرب    ومافيش

واللي معاه عامل  مش  شايف

وراحت أيام  الفرحه  والتهيص

وأنطفت الشمعه  في الفوانيس 

ولا   عادت  المساجد    عمرانه

بعد ما  أسودت  أغلب  النفوس

وراحت   فرحت   رمضان  زمان

اللي كانت فيه  الصحبه متجمعه

والضحكه والنكته الحلوه مسمعه

أيام ماكان فيه محبه بين الأنسان

والبيوت  علي   بعضها    مفتوحه

والكل   عايش   الهناوه     واللمه

واللقمه علي الطبليه  للكل   ضمه

من غيرمنظره ولا كلمه  مجروحه

من غير شوأعلامي وأخذ الصوره

ولاذلة نفس ولا خجل ولا تجاريح

ولافقير يبات ليله بنفس مكسوره

رمضان زمان كان موده   وتفاريح

**************************

بقلمي 

شعبان    الخضراوي 

شاعر عاشق الأحزان